Suchergebnisse

Í umsögn gagnrýnanda kemur meðal annars eftirfarandi fram:

Bókin er þó ekki aðeins saga hjúkrunarstéttarinnar heldur er hún kvennasaga í breiðum skilningi því hún varpar ljósi á stöðu kvenna almennt, möguleika þeirra til menntunar og störf þeirra í samfélagi sem var að breytast úr bændasamfélagi í iðnaðarsamfélag og síðar yfir í þjóðfélag sem kallaði í sífellt auknum mæli á vinnuafl kvenna. ... Hér hefur verið einkar vel að verki staðið og Margrét Guðmundsdóttir bætir rós í sitt hnappagat með þessari vel og faglega unnu sögu.

Í október síðast liðnum voru 30 ár liðin frá hinum heimsfræga kvennafrídegi sem haldinn var hér á landi á degi Sameinuðu þjóðanna 24. október kvennaárið 1975. Fundarins var minnst með glæsilegum baráttufundi í miðbæ Reykjavíkur nú í haust. Á þessu ári hefði baráttukonan Vilborg Harðardóttir blaðamaður og rauðsokka orðið 70 ára hefði henni enst líf og heilsa. Þetta tvennt er tengt saman í bók Hildar Hákonardóttur Ég þori, get og vil sem kom út dagana í kringum 24. október enda var Vilborg Harðardóttir einn frumkvöðlanna að kvennafrídeginum.